يا صاحبي من غير لوم وملامه=مشاعري ماهي بشروة من السوق
أنا رجل عندي شعور وكرامه=اكره طبوع الكذب والزيف والبـوق
واللي ما يقدر صحبتي بالسلامه=مالي عليه غصوب والصدق مصدوق
يلقى بدالي من يناسب مقامه=وأنا بداله بلتقي الف مخلوق
كل واحدٍ(ن)منا تشيله عظامه=ولا كل مطرودٍ(ن)لك الله بملحوق
ولى زمان مقابلك بإبتسامه=أيام كنت تحس وتراعي الذوق
قدام توردني لحوض الندامه=تلعب بقلبي لعبة العشق والشوق
سلاحك الفتاك حسن الوسامه=اللي تهز قلوب وتنشف عروق
مأخذ على حسنك جميع العلامه=بينك وبين البيض في زينك فروق
لكن ترى زينٍ(ن)بليا فهامه=مهما كمل ينعاب يالابس الطوق
ترى الوفا بالوعد للحسن شامه=وأجمل جمال الحسن معذوب منطوق
من عقبها حسن الأدب واللثامه=تجعلك مثل الشمس في حزة شروق
ياللي تقول إنك لقلبي دعامه=بالهون روق كان تبغاني أروق
أنا تراني من رجال الزعامه=اللي مكانتهم على الناس من فوق
أنا رجل زعيم صاحب فحامه=ماني بمن يشكي من الجور والعوق
لكن بقل لك شيء مني شهامه=مسموح ماني طالبك وصل وحقوق
وإن كان تطلبني حقوق وغرامه=أبشر بما تطلبه والطاق مطبوق
وباقي محاسبنا بيوم القيامه=نهار يحكم فوق سارق لمسروق
يا صاحبي من غير لوم وملامه=مشاعري ماهي بشروة من السوق