حبيبتي بعد السنين الجميلة=اليوم باللي ناوية خبرتني
جتني تبشرني بغيبة طويلة=ياليتها غابت ولا بشرتني
قلت:السبب قالت:ظروفٍ(ن)مهيلة=ما هي بكيفي قاسية وأجبرتني
قلت:الله اكبر كبري يا خليلة=غيبتك خنجر ساطية ونحـرتني
قالت:تصبر قلت:بأهون وسيلة!=لو أجمع الأفراح ما صبرتني
بعدك حياتي ظنتي مستحيلة=لو جيت بصبر ضيقتي فجرتني
دقات قلبي بالمحبة جزيلة=إن قلت:بنسى دقت وذكرتني
وشلون بنسى عشرتك مو قليلة=أجمل سنين العمر معك أشهرتني
أنتي لروحي ياغرامي عديلة=وإن كان غبيتي فالليال أفقرتني
الروح ما تقبل بدالك بديلة=والعين ما تنظر لعين انظرتني
أنتي فصيلة ما كماها فصيلة=بين العذارى بالهوى دبرتني
يا جامعة كل الحسن والفضيلة=النفس في طاعتك قسر ومرتني
روحي وخليني بغل وغليلة=غيبتك عني يا غلاي قهرتني
بعدك علومي رايحاتٍ(ن)دبيلة=على هواها للشقا سيرتني
شكواي للمنشيي مزون المخيلة=كان المواجع بعدكِ(ي)غيرتني
بأمان ربي كل يومٍ(ن)وليلة=بذكرك كود إن المنايا بترتني
الروح من عقبك عزيزة ذليلة=كل ما ذكرتك بالهجوس أمطرتني
ما عاد لي بعدك لقلبي دليلة=صكات بقعا بالفضا بعثرتني
ما عادت أحلامي كما أول حليلة=تلاشت أحلامي بعد ما أنذرتني
مثلك بعد طول السنين الجميلة=اليوم باللي ناوية خبرتني