تبعت لسحاب الصيف واقفا رعد وبروق=تخيله عيوني بعد قفا فأنا قفيـت
ليا صار ما يسقي كبود وتلين عروق=ابرحل من الديره واغير من التوقيت
خساره اضيع جهد عمري وانا محروق=سنينٍ(ن)طويله كافية ما نفعني ليت
اكابر واعاند قلبي اللي حكمه الشوق=احسب الزمان يزين واثر الزمان ايميت
خلاص انكشف وجه الجفا يازمان البوق=انا ضاق صدري منك من خدعتك مليت
مضى ما مضى ما عاد ينفع سعي ولحوق=ولا باقي إلا ذكرياتٍ(ن)بنا سويت
تعب هاجسي والجسم والفعل والمنطوق=وحلمٍ(ن)حلمته راح تحت القهر تفتيت
بقفل لبابٍ(ن)متعب الروح والمعلوق=كفاية تعب وهموم يا وقتي العفريت
تمنيت فيك الخير وأثرك زمن ممحوق=على نارنا ترمي صفايح وقود وزيت
تحقق مرادك ضاعت أحلامنا وحقوق=أمل شايله لسنين عن كاهلي حطيت
تبعت لسحاب الصيف واقفا رعد وبروق=تخيله عيوني بعد قفا فأنا قفيت