هلا بك يا هلا بك واقلطي شاعرك ومحييك=
بحر شعري تلاطم حين جيتي داخلي يمـه=
تعالي ارتقي عرش الخفوق وعانقي مغليك=
على سجادةٍ(ن)حمرا صبغها للقاء دمه=
تعالي والبسي تاج القصيد اللي نظمته فيك=
تغني باللحون اللي تراقص فرحه بضمه=
تعالي وإسكني بيت الغرام بهاجسي يا ذيك=
ليا منك سكنتي به تلاشى ضيقه وهمه=
أنا من بد كل البيض يا كل الغلا شاريك=
شريتك بالغلا والطيب وإحساس الهوى خمه=
لقيتك غير من كل العذارى ياعساي أفديك=
ياعين الظبي نور البدر لون الورد يا شمه=
أنا ماكني إلا من بداية مولدي هاويك=
ما كنك في ثواني بس حبك خافقي سمه=
صحيح الحب من نظرة وكلمة ماهقيته هيك=
دخيلك ويش رايك ما يدور بخاطرك سمه=
نكمل باقي المشوار وإلا صعب ما يمديك=
تشجع قول:خل الصمت ينطق ياغلا فمه=
أنا قلبي جمع كل المزايا منك واهدا ليك=
غرام وشوق وإحساس ومشاعر لأجلكِ(ي)لمه=
هلا بك يا هلا بك واقلطي شاعرك ومحييك=
بحر شعري تلاطم حين جيتي داخلي يمه=