ياعبير الورد مدري يا شذاه=جايبه بالليل نسناس النسيم
بعد نص الليل ولى يا حلاه=أنعش لجوي عبيرٍ(ن)مستهيم
ذكر لقلبي بشيءٍ(ن)قد نساه=من زمان فات ويعده قـديم
بعثر لشوقٍ(ن)بقلبي وإبتلاه=بالحنين وبالونين المستديم
من سنين الون قلبي ما شفاه=لين صار النبض بعروقه سقيم
بين ليت وبين كيف وبين آه=تمضي الأعمار والمولى رحيم
كل قلبٍ(ن)قادر يحقق مناه=الله الرحمن لعباده كريم
ما يخيب اللي تعلق في رجاه=إسمه الوهاب رحمنٍ(ن)حليم
قادر يحقق مطالب من دعاه=ما يعيزه حال لو شفته عظيم
طالبك يالله ما غيرك إلاه=يقضي الحاجات للي مستليم
أنت تعلم بالسراير والخفاه=ما خفاك الحال حالي كاليتيم
فاقد الي ما هوى قلبي سواه= صاب قلبي بالمحبة بالصميم
أعشقه وأهواه مشقيني هواه=نادر الأوصاف ما بين الحريم
سم قلبي بالهوى وأقفا وراه=ثم خلى الطيف لأحلامي نديم
قلبي المفتون ما حصل دواه=من جروح العشق ماعده سليم
يالله إني طالبك ستر ونجاه=إهدني وإياه دربٍ(ن)مستقيم
ياعبير الورد مدري يا شذاه=جايبه بالليل نسناس النسيم