الجزيرة في خبرها عن مصارها تقول=البلد من دون كهرب مظلمٍ(ن)ظـلام دامس
قلت:يكفي نور خد الريم والطرف الخجول=الهنوف النادرة بالزين ما بين النواعس
درةٍ(ن)لا من تبسم ثغرها سوى فعول=كن قلبي في سناء جمر الشفا يحمسه حامس
لا نظرت لطرفها الساحر يجي فيني ذهول=عينها الخرسا عليها من طقوس السحر حارس
صابت الخافي بسهم الموت من رمشٍ(ن)كسول=شل تفكيري وشل النطق ويلي صرت خارس
كيف أسوي ويش أسوي ما بقى عندي حلول=بين ويل وبين ليت أطرح هواجس من هواجس
ودي أسمر معك يا ظبي الفلا حسب الأصول=مير أخاف من العواذل تحرجك وإلا تعاكس
كان ودك مثل ودي أبشر بعز وكمول=والك مني سطوة الحكام وفعول الفوارس
المواقف ما لها غير الرياجيل الزحول=التجارب ما تجي إلا بخبرات الممارس
لا تفكر بالجزيرة خلها واللي تقول=البلد من نور خدك ما عرف ظلام دامس