جف القلم والشعر شابت قوافيه=والليل طال ونور الأصباح ما بان
فكري هواجيس السهر لاعبة فيه=الليل كله خلف الأحلام سهران
ودي بشوف اللي من البيض هاويه=ملهم قصيدي بالمعاني والألحان
أرقب مجيه وأنتظر في حراويه=عله يجي يرتاح بالي والأعيـان
طول غيابه والمشاعر تناجيه=ترسل عليه أشواقها وين ما كان
قلبي ونبضه والأحاسيس ترجيه=عليه أنا ما عشت من عمر ولهان
سكن عروق الدم يجري مجاريه=هواه صاب الدم والفكر بإدمان
مهما يطول الوقت ماني بناسيه=محال دونه يطمس العقل نسيان
وشلون بنسى من عيوني تراعيه=حتى وهو غايب تضمه بتحنان
عشقي وروحي فيه مشتاف وأبيه=بكل المعاني لا هوى إنسان لإنسان
حب وغرام وشوق ملهوف باغيه=يمكن يكون جنان لكن لي زان
هو علتي بسلم فؤادي مداويه=لا بالله إلا صابني مس وجنان
لن غاب عني والقوافي تناديه=مدري ولا تدري غدى بأيت أوطان
جف القلم والشعر شابت قوافيه=والليل طال ونور الأصباح ما بان