يا رفيق الليال البيض كان أخطيت=أعتذر لو كان العذر ما يكفـي
ما سمعت إتصالك حينما دقيت=ليتني ما غفلت ولا سهج طرفي
وش حصل ما سمعته حينما رنيت=هب يا حظي اللي ما خدم ظرفي
لو سمعته مع أول رنة(ن)رديت=مير حظي معاند ما طرا يصـفي
ما هقيت بوصالك من عقب ما أبطيت=وأنت تدري وصالك بالزمن شفي
الله أكبر حظوظي كلها تسكيت=كل ما بان حلمي عاد متـخفي
ضاعت الفرصة اللي ما لها توقيت=نادرة بالزمان وحيرت حرفي
كن قلبي لبسه من القهر عفريت=آه من حظي اللي خالف العرفي
حظ منحوس شتت دنيتي تشتيت=جفف الدم فيني والأمل جفي
الأماني كثيرة والحقائق ليت=طول الأيام كفي يصفق بكفي
كل ما قلت يصفي جونا غريت=حلو الأيام باين عودت خلفي
يا رفيق الليال البيض كان أخطيت=أعتذر لو كان العذر ما يكفي