يا شموع الدفا مدري ورود الربيع=قربي للمسافة بيننا قربي
الحقيني قبل من شدة البرد اضيع=وأمة العُرب تخسر شاعرٍ(ن)يعربي
دفي ضلوع صدري من بقايا صقيع=واحطبي من ضلوعي للدفاه احطبي
خلي الليل مشمس والتجمد يميع=دفي الدم فيني واللحم وعصبي
شمس ليلي ليا بانت وبان الشعيع=قلت:يا شمس عني يوم لا تغربي
منظرك في زماني للمشاعر شفيع=إيه نورك لعقلي بالمساء يسلبي
ودي أنسى بليلك للخلايق جميع=كني بصيف حره للحشا يلهبي
المشاعر تصدر لأمرها ثم أطيع=نبتدي للسمر من حزة المغربي
نعطي العقل أجازة فوق ما يستطيع=حلم الأيام يلقى بالمساء ما يبي
نشتري من مسانا كل ماهو يبيع=نروي قلوبنا من كل ما تطلبي
ما يعكر مزاج الليل خايب صنيع=همسنا كاتمينه عن ذكي وغبي
التلاقي بسر ولا درى به مذيع=غيرنا يا شموع الود ما نرغبي
سرنا لو تجاوزنا موكد يشيع=كتم الأسرار وصى فوقهن النبي
يا شموع الدفا مدري ورود الربيع=قربي للمسافة بيننا قربي