يا مشغل القلب وينك علك كويس=وشغيرك ما تطمني عن أحوالك
أشغلت قلبي كثير أظن وأقيس=حتى استخفيت طبت وطاب لي فالك
الهم والضيق فيني صاير مويس=أثر الذي جالني بالوقت ما جـالك
قال : السموحة شغلني حضرة الريس=أخاف يدري ويلغي رقم جوالك
تعاملي صايرٍ(ن)محسوب ومسيس=واللي على بالنا ماهو على بالك
ماني مثل قبل لا أغرد ولا أفيًس=الوقت ما عاد يسمح لي بمرسالك
ولى زمان المجامل طبطب وليًس=ما عدت بقوى على حلك وترحالك
اللي نبي ما تحقق حظ ومخيًس=تغير الحال واللي صابني طـالك
زماننا والليالي تتعب الكيًس=يا مشقي القلب يرثا لي ويرثا لك
لا تشغل القلب عادي عايش كويس=طمنتك بحالتي وأنته وش أحوالك