سطام الشهري

جمرة ندم مابين حبه وفرقاه
جيت ارتجف وادفا بها واحرقتني
أسابق الخطوات..(ياربي ألقاه)
يانعلوبها.. بالفراق (إسبقتني،

--------
حارث الحارثي

وا حر قلب من هو البيض حراه
اهل البراقع من زمان افتنني
عيا يتوب القلب يوم الله اشقاه
من حبهن قلبي ينوح ويوني

------

سطام الشهري

ياصاحبي كملي بشوق اتحراه..
ولافاد في رجواه كثر التمني..

مع السلامه من.. نسانا.. نسيناه..
هاذي هي العادات من صغر سني
--------
حارث الحارثي

الخط باين بـ اوله يوم تقراه
دامت كذا ليه التعب والتعني

مالك ومال الحب دربه معاناه
كنه جدل مابين شيعي وسني
----------
سطام الشهري

يعجبني اسلوبك وطرحك ومبداه
وفيكم قسم بالله ماخاب ظني

لكن خفوقي ياابيض الوجه يهواه
وان قلت ابنسي قلبي اللي امتحني
--------
حارث الحارثي

يا ويل حالي منك ذا الليل ويلاه
بعثرتني ما عاد ينلم كني

مانيب قيس ابن الملوح وليلاه
لكن خذيت من الهوى كل فني
----------
سطام الشهري
اقول قولي والله اعلم بمغزاه
اني قريت الشعر من كف جني

لاعاد تنشدني عن العلم وانساه
مثل السما والارض كنك وكني
---------
حارث الحارثي
وين القرين اللي معك واتحداه
اكتب له الابيات وارقص واغني

وان كان جانا ابن الزلامي وسراه
بـ اوسمه بين الحناايا واثني
--------
سطام الشهري
اقول بدري مابتوصل حداياه
اركد وخل العلم ياذيب صني

لاتختلف خلك علي الطيب محلاه
وانت اجودي والاجودي مايدني
--------
حارث الحارثي
يالله دخيلك يرتجف ساس مبناه
وانا الصديق وفوقها يتهمني

الحد واضح بيننا واحتميناه
والبرق يبرق والرواعد تدني
--------
سطام الشهري

ونعم وكلن يعرف حدود مرساه
وكلن بيفخر بالرجال ويهني

لكن تأكد علمنا لابغيناه
جبناه بالغصبات والا التحني
---------
حارث الحارثي
سطام شاعر ياعرب لا عدمناه
غصون شعره بالعذوق امتدني

مثل النحل طيب ومن طيب مجناه
حتى حروفه والبيوت أكرمني
---------
سطام الشهري
لاهنت ياراس (ن)علي الجود ذكراه
لقيت فيك العز مبني ومعني

وانا سندك وعزوتك ياحلالاه
ياراعي النخوه كلامك وصلني