لبيه يا سيد الغنادير لبيه=لبيت لك مبهور بك وضحيني
سبحان من صورك يا لابس التيه=أمدحك ماني منتظر تمدحيني
يا زينها صورتك يا هيه يا هيه=ما هو بلازم للحسن تشرحيني
شوفتك منهو يشكي الفقر تغيه=يا بدر مدري شمس للمصبحيني
ما عاد باقي شيء من ود بخفيه=بالحسن يا كل الحسن وشحيني
يا مبهرة نهبتي القلب رديه=والا خذيني معه لا تذبحيني
الله خلق للقلب بالجسم يحييه=أنتي كذا يا مبهره تجرحيني
إن كان قلبي معجبك اسكني فيه=لا من سكنتي خافقي تفرحيني
ترى فؤادي مربعاتٍ(ن)فيافيه=وإن طاب لك مقامكِ(ي)صارحيني
من بعدها بكتب لك الشعر وأهديه=وإن ما عجبتك يا غلا شرشحيني
الشعر في غيرك عقيمة قوافيه=الشعر وأهله زيف ومتميلحيني
يا سيدة كل العرب وايه ثم ايه=أنا ربحتك للهوى وإربحيني
اللي تبينه في حناياي حطيه=وأسامحك وأنتي بعد سامحيني
لبيه يا سيد الغنادير لبيه=لبيت لك مبهور بك وضحيني