تذكرت ملهوف الحشا ناعم العود=عسى الله يجيبه يا هلي بالسلامه
تذكرت عين وخشم وشفاه وخدود=وتذكرت يوم إنه رفع للثامه
تذكرت صوت وضحك وعيونه السود=تذكرت حبة خال فيها علامه
تذكرت خصر وصدر تزمي به نهود=وتذكرت مشية قلدتها الحمامه
تذكرت مجدولٍ(ن)كسى متن وعضود=حريري مثل ريح الزهر والبشامه
تذكرت ريح الورد والمسك والعود=وحلو الثمان البيض والابتسامه
تذكرت مزح وجد وايمان وعهود=نحافظ عليها لين يوم القيامه
تذكرت ثم ونيت ونات ملهود=قهر كيف أرد الوقت ماهي ندامه
ياليت الزمان يعود وتعود واعود=ياماخذ عن التلعات تاج الزعامه
نبي نرتوي من حب بالروح موجود=نسقي مشاعر بالحشا مستدامه
ترى لو يروح العمر ماهو بمردود=ليا راح وقت الشوق جات الملامه
فدتك العيون وكل غالي ومحمود=أنا في حراك مجهزٍ(ن)للكرامه
مادام الوصل حبله على يديك ممدود=أبي شوفتك وأبشر بعز وشهامه
تراني على مخبرك يا ناعم العود=عسى الله يجيبك يالغلا بالسلامه