يا دكتور نبض القلب ماهو طبيعي=اريدك تسوي فحص شامل وأشعه
احسه تغير صار نبضه سريعي=وأنا حسب علمي ما يظلي بسرعه
مضيق لصدرٍ كان رحبٍ وسيعي=وجسمي بحسه صايرٍ نار ولعـه
فقال الطبيب أبشر على أمرك مطيعي=يبي من ورى قلبي لشهرة وسمعه
تفضل ونادى مساعده يا رفيعي=نبي نفحص الشاعر ورى الشيخ طمعه
بدا يكتب التشخيص خطه قطيعي=وأنا أتابعه لين الرقم وصل سبعه
توقف وقال الوضع بين مريعي=فؤادك سليم وعلتك شي فجعه
فقلت :ايه يا دكتور فيني فجيعي=زماني مسوي في مليون رمعه
عشيري هجرني ما نفعني شفيعي=وأنا مستحيل القى مثيله وصنعه
أنا ما توقعته بسرعه يبيعي=ولا كنت أظن الهجر والصد طبعه
تغير وأنا لمقاطعه ما استطيعي=وعقب لقلبي بعد روحته وجعه
خريف المودة حل عقب الربيعي=ربيع الهوى ما أظن له عاد رجعه
يا دكتور هذي علتي يا سبيعي=وش دواي يا دكتور بالعين دمعه
مخافة علي وخايف إنه يضيعي=أنا وقعتي بالحب والهم وقعه
يا دكتور نبض القلب ماهو طبيعي=اريدك تسوي فحص شامل وأشعه