معشوقتي قلبي بصدري يناديك...=وينك تعالي سمعيني لحونك..
مسامعي تشتاق صوتك وأغانيك...=فديت ضحكاتك ونظرة عيونك...
في داخلي روح المحبة تناجيك...=قلبي ونبضي مشتقي من فتونك...
أفز من فكرة تجيني بطاريك...=النبض يعلا والمشاعر تصونك...
بين الحنايا قلب متولعٍ(ن)فيك...=ما راق له بالعشق يا كود لونك...
اوآه من قلبٍ(ن)غدا بين اياديك...=يستنشق انفاسك ويعشق جنونك...
اسقيه من نبع المحبة ويسقيك...=من عرق شريان الوفا ما يخونك...
باع العذارى كلهنه وشاريك...=عذر بكونه وإهتوى جو كونك...
ما راق له بالعشق هذي ولا ذيك...=يخبط بصدري خبط معسر ديونك...
لولا الضلوع العوج بيطير ويجيك...=يا نبض مشتاقٍ(ن)لكامل فنونك...
من نبع صافي للمحبة بيرويك...=طيره يغرد في فيايا غصونك...
خلف الضلوع الناحلات المهاليك...=عوجٍ(ن)براها بالمحبة زبونك...
قلبٍ(ن)تولع بالهوى يا غلا فيك...=لا هو وراك ولا قصر يوم دونك...
كل ليلةٍ(ن)نبضه بكلي يناديك...=وينك تعالي سمعيني لحونك...