ياليل سلم على اللي سمني حبه=ماني بلاقي علاجٍ(ن)منه يشفيني
مقوى على البعد عنه ولا حصل قربه=الحظ والوقت عيا منه يدنيني
قلبي عظيم الهوى والشوق يلعب به=كل ليلةٍ(ن)في منامي له يسريني
في داخل الجوف جمرٍ(ن)طيفه يشبه=كل ماهجعت بمنامي ولعه فيني
ياليل جمر الهوى عصف الهوا هبه=نار الهوى في عروق القلب تكويني
ياليل كن الحميم بداخلي صبه=شوقٍ(ن)تمكن بروحي من يطفيني ؟
لا صار من شبها ذنب الهوى ذنبه=وأنا ضحية غرامه من يداويني؟
مالي دوا غير طبه والبلا طبه=ياليل حال القدر ما بينه وبيني !
حسبي على حظي اللي ما خشي ربه=أدمى لقلبي وجرَّح محجر العيني
القلب واصل لحده نزفه وكربه=ماني بلاقي وسيله عنه تنسيني
أون ون الزعيم اللي خسر حربه=هزائم الوقت يا ليلي تبكيني
لكن سلم على اللي سمني حبه=ماني بلاقي علاجٍ(ن)منه يشفيني