الليلة المسرى من الشرق للغرب=باللي عسى ربي من العين يحميه
رفيق دربي لن تنويت لي درب=وهاج نوره من يقابله يعميه
على طبوعي من شريته مدرب=اسقيه بالممتاز لين إني ارويه
ما كنه إلا ولد حرٍ(ن)مجرب=ينهض ليا منه سمع صوت راعيه
بعد المسافة ينهبه بالمشي نهب=كن الطريق ليا نهض خيط يطويه
مهما يطول الدرب بُعده يقرب=طول المسافة ما يجرَّح مواطيه
كنه طليبٍ(ن)يطرده بالسرا ركب=دوبه ينوش الأرض ماشيء يحفيه
غرامه البنزين بالجوف يشتب=كل ما سقيته منه زانت مساريه
نعم الخوي بالدرب مدري خوي جنب=لولاه يسوى مال ما كنت شاريه
البارح المسرى من الشرق للغرب=باللي عسى ربي من العين يحميه