حاولت أنام وطير النوم عني...=طيف الهنوف اللي بها القلب مشغول...
أسمع صدى همس الغلا داخل أذني...=صوتٍ(ن)سمعته ظن بالي قبل حول...
بكل الزوايا طيفها جا يهني...=على السهر والطرف بالطيف مكحول...
طيفٍ(ن)كساه الله من كل فني...=اللون ساحر والحكي حيل معسول...
على هجوسي طول ليلي يدني...=كنه على نومي من الولف مرسول...
طير لنومي بالمنى والتمني...=ما شفت منها غير لوعات وعلول...
الليل كله بين زفرة و وني...=ما عاد بعرف كيف بفعل ولا أقول...
كن الفكر يدهجه مليون جني...=يخطر ببالي شيء ماهو بمعقول...
الشوق يحمس للحشا حمس بني...=أون ون اللي من الطعن مشلول...
من حبي اللي من سبايبه أحني...=حن الخلوج اللي عن الذود معزول...
الحظ عاند ما مشى حسب طني...=ما جبت من تبع الهوي أي محصول...
ما سلوتي إلا قصيدي وأغني...=أجر صوتي بالقصائد بلا فعول...
بالحب لا شيعي ولاني بسني...=دين الهوى عن كل الأديان مفصول...
هذي حكاية عشق منها ومني...=كتبت فصل وباقي لعشقنا فصول...
حاولت أنام وطير النوم عني...=طيف الهنوف اللي بها القلب مشغول...