يا طواريق القصيد اللي تعاندني لحونه=القصيدة قبل مبداها تجيني خاتمتها
الشعر نبض المشاعر يختلف ذوقه ولونه=والقصائد ما تزين الا بحضرة ملهمتها
لا تجلت بالقصيدة زان قافي في عيونه=القصيدة من مشاعرها لحوني راسمتها
فن شعري يستمد الحسن من لمسة فنونه=وإن كتبت الشعر من دونه بيوتي هادمتها
يارفيق الشعر مدري ملهمه مدري جنونه=لا تروح بعيد عن معنى قصائد حالمتها
الشعر يطرب لقربك ياعسى ربي بعونه=وإن قطعتي للمواصل فالقصائد ظالمتها
منك حرفي يستمد لطاقته مدري سكونه=المعاني يا قصيدة فاهمتك وفاهمتها
يا طواريق القصيد اللي تعاندني لحونه=القصيدة قبل مبداها تجيني خاتمتها