شايل محبه للمحبه على طول = للغايب اللي مايفارق خيالي
كل ماتذكرته وانا ناسي اقول = عمر الوصل ماحددته الليالي
دامك صبرت ايام ماقول مخذول = اصبر عليها يمكن الوقت مالي
انا ادري ان الحب واصل وموصول = لكنها غير البشر فالوصالي
الحب له تقدير وايضا له اصول = والحب في عهد المحبين غالي
تعبت فالدنيا من الدول لدول = اتبع هوى الدنيا وكثر انشغالي
لو كان ماعندك مع العالم فعول = لآ تنتظر وقفه من اهل الجزالي
صابر وكل اللي فعلناه بيزول = وتبقا صلاتك ياكريم السبالي
ياصاحبي دامك على الصدر محمول = صاحبك من كثر التعب مايبالي
تضربه الدنيا على العرض والطول = ورغم الامل موجود مع طيب فالي
ليلك مع الدنيا محبين وحلول = وليلي مع الدنيا معنّى ثقالي
لآ راجي الطيّب ولآ راجي خبول =(وفي كل ميرادٍ طوالٍ حبالي )
وباقولك شطر من الصدر منقول = لو طال همّك فوقك الله عالي
وماكل بابٍ تالي الوقت مقفول= وماقو ظهر الا ظهور الجمالي
ياصاحبي دامك على الصدر محمول= صاحبك من كثر التعب مايبالي