لمن أكتب قصيدي بعد ما ودعت ملهمته؟=لحون الشعر مجروحة تشابه قلب شاعرها
لها وقتٍ(ن)طويلٍ(ن)غايبه والحب ظالمته=حسافة كيف تقدر تذبح لصادق مشاعرها
يا قسو لقلبها وشلون للهجران سلمته=وأنا اللي كل همي ما يضيق بيوم خاطرها
هذا هو حبي اللي من زماني قد تعلمته=وفاء واخلاص وأشواقٍ(ن)لها ما عشت فاكرها
كتبت لها فؤادي وقف فصلته وعلمته=حدوده حبها والشوق يصدح في منابرها
بلاني في هواها حلمي اللي قد تحلمته=حلومٍ(ن)ما بعد لقيت مفسر لي يفسرها
هواجيسي لها تسري لكن الحال محرمته=وفكري عندها واقف ولا يقوى يغادرها
غرامي طفلها اللي عن حليب الديس فاطمته=يصيح من الوله والعين مدمية محاجرها
على قلبي هواها طوق بالأقفال محكمته=وزجت به بغبة بحرها وأقفت بواخرها
تغنيت بهواه عمر ولها الشعر نظمته=لكن اليوم روحي زايدة فوقي مخاطرها
بعد قلبي بصدك والغياب المر حطمته=براكين الهوى ما يشفي الولهان فاترها
فؤادي من حنين الوجد عذبته وسممته=تغير لون شعري جفت أقلامي محابرها
قصيدي بالعتاب وبالوله والشوق ختمته=دواوين القصائد بحرق لباقي دفاترها
لمن أكتب قصيدي بعد ما ودعت ملهمته؟=لحون الشعر مجروحة تشابه قلب شاعرها