مبروك ياراسي على أوجاع قلبي=اللي سكن به قبل عامين هاجره
كسر فؤادٍ(ن)كان قاسي وصلبي=ما فكر إن الهجر واجد محاذره
أول محاذيره ترك بيَّ غُلبي=وأدمى لقلبي ما يراعي مشاعره
ما كني اللي فيه مغرم وصَبي=هواه حرق بيت روحي بساعره
جرح الهوى ما ينفعه أي طبي=لا صار من تهواه سمم خناجره
نسي غلاي وباع طيبي وحبي=ما عاد تذرفي من بعادي محاجره
نقض عهودٍ(ن)باسم ربه وربي=احرق مواثيق الهوى في مباخره
باع الهوى برخيص من غير ذنبي=عشان ما يعرف نتائج مخاسره
ما جرب لحرقته ناره تشبي=ولا جرب لشوقٍ(ن)ليالي مساهره
لو جرب اللوعات ما باع حبي=ثمنه صد وهجر داخل متاجره
فضل عليّ من الغريبين غُربي=وأرسى على بحر التجافي بواخره
ما عاد أنا ذاك اللي يريحه قربي=غره زمانه والليلي تسايره
ما أقول غير الله على الحظ حسبي=وإلا حبيب الروح ماني بعاذره
مهما بغيت أدرى جروحي وأخبي=الشعر يفضح سر مكنون شاعره
مبروك ياراسي على أوجاع قلبي=اللي سكن به قبل عامين هاجره