القوافل العربية - لا توادعني .. و انا عيني تشوف.!

القوافل العربية (https://www.alqwafel.com/vb/index.php)

- قوافل الشعر الشعبي (النبطي) (https://www.alqwafel.com/vb/forumdisplay.php?f=15)

- - لا توادعني .. و انا عيني تشوف.! (https://www.alqwafel.com/vb/showthread.php?t=21045)

لا توادعني .. و انا عيني تشوف.!

اكره اللحظات .. لحظات الوداع .!
........... تسكت وعينك , لها بوح الحروف.!

وإن خفيت الحزن , قدر المستطاع
........... ماقوت ساقك .. على طول الوقوف.!

ولا يعل القلب .. فـــ /آخر اجتماع
........... غير تدري ما ورا الصده , نكوف.!

وانت يامرخي على البُعد , الشراع .!
........... لا تسلم فرحتي , كف الصدوف.!

ولا تقول إن مالحزني , أي داع .!
........... جرب الفرقا مع حالك .. و شوف.!

الهجر موجع .. وللبعد إنطباع
........... يتركك مابين ضيق , و بين خوف.!

كل شي أحبَه بدنياي , ضاع
........... وكل ذكرى صعب لا مرت , تطوف.!

لا توردني على .. حد الضياع
...........ولا تخليني , تحت حكم الظروف.!

خابر إن قلبي على الصده .. شجاع
........... غير في لحظات , تلويح الكفوف.!

طالبك , لامن قرب .. يوم الوداع
........... لا توادعني .. و انا عيني تشوف.!
مماراق لي