يا صاحبي يالطيب الغالي=شنهي علومك وأخر أخبارك
غيبتك عني مشغله بالي=طال الصدود وطالت أسفارك
أتعبتني وأتعبت جوالي=ماني بعارف شنهي أفكارك
أرسلت لك مليون مرسالي=ما جاني المردود بأعذارك
ليتك تطمني عن الحالي=وإلا تخبرني عن أسرارك
ترى الصدود يزيد غربالي=إرحم محبٍ(ن)تحرقه نارك
هواك سبب فيني هبالي=كرهت داري وأعشق لدارك
ودي أهاجر وأترك عيالي=أسكن بجنبك وأنحسب جارك
واشوفك بمقفا ومقبالي=في دخلتك بيتك ومظهارك
يرتاح قلبٍ(ن)فيه زلزالي=وتشوف بعيونك لمقدارك
لمن تكون قريب قبالي=تحرسك عيني وأشغل أنظارك
يا صاحبي يالطيب الغالي=وأعرف علومك وأخر أخبارك