هاض قاف القصيد لحون والفكر هاضي=حشمتك يالرفيق اللي مناي انبلاجك
يا رفيق العمر مقبل وحاضر وماضي=عكر الله مزاج اللي يعكر مزاجك
الحكاوي بعضها موتها بالتغاضي=الصغاير رفيقي لا تضيق فجاجك
لا تجاري لمنهو بالسواليف خاضي=الطريق المحادر سهل فيه انزلاجك
لا تغرك سواليفٍ(ن)طوالٍ(ن)عراضي=لن تبعت الحكاوي هان فيها اندماجك
الحذر من علوم أهل العقول المراضي=دام واثق بنهجك عزتك بانتهاجك
لا يعكر مزاجك حكي معلوم فاضي=أدفع العمر كله لأجل أشوف ابتهاجك
وإن خبث خاطرك فيني يصير امتعاضي=أتكدر ليا حسيت في هم هاجك
فرحتي يوم أشوفك طول الأيام راضي=تبتسم لي وفارد بالتلاقي حجاجك
يا أبيض الوجه منك يستمد البياضي=أصدر أمرك ولا تعلن فقط لاحتجاجك
أنت عندي تساوي حكم راع الرياضي=أخبث أيام عمري حين أحس انزعاجك
أنت خصمي رفيقي وأنت حاكم وقاضي=سو ما هو بدا لك وأنت تعرف خراجك
أصدر الحكم مالي حجةٍ(ن)واعتراضي=المهم المهم يظل ينور سراجك
قابل اللي تسوي واقعٍ(ن)وافتراضي=دام يرضيك عني سو مني علاجك
لو تأمر على روحي فدا بالتراضي=والله إني لقدمها شموع لزجاجك
فدوتك حالي ومالي بدون اقتراضي=لين ترضى ويصفا جو أثار لعجاجك
اشرب العد من نبعي وصافي حياضي=لا تفكر بظنٍ(ن)من هواجسك لاجك
شفت وشلون عندي غير يانور ناضي=رج قاف القصيد اللي شعر بارتجاجك
هاض قاف القصيد لحون والفكر هاضي=حشمتك يالرفيق اللي مناي انبلاجك

المشاركة الأصلية كتبت بواسطة عبدالرحمن عويض المسعودي (المشاركة 172017) صح الله الساانك يابن هليل ويعطيك العاافيه احترااااااااامي

المشاركة الأصلية كتبت بواسطة راع الأوله (المشاركة 172052) صح لسانك جزلة من شاعر جزل بيض الله وجهك