غيبتك عني كملت تو لأسبوع=أسبوع يا ثقله ولا تشعريني
يا قاسية أسبوع والقلب موجوع=ما هان لك عن حالتي تنشديني
القلب ينزف منه شريان مقطوع=اللي يضخ الود بينك وبيني
أصيح بك ما كن توحي لك سموع=كنك على حبي تبي تعاقبيني
ما كني إلا طفل من داب مريوع=أصيح ودي تفزعي تحضنيني
لكن يا هيهات ما فادني لوع=ما عدتي اللي قبل ما تفارقيني
كني سجين من الزيارات ممنوع=حراس سجني مانعك ما تجيني
ياللي غرامك داخل القلب مطبوع=قلبي نزف لك حب عدة سنيني
هذا جزاء حبٍ(ن)من أعوام مزروع=تمضي عليك أيام ما تذكريني
ما تدري إن الوصل للولف مشروع=وأنتي بديتي للوصل تقطعيني
شكل الهوى من داخلك صار منزوع=تصرفاتك كنك اتجامليني
أفز من نومي من الخوف مفزوع=خائف بيوم تقرري ما تبيني
ما عاد لي في مقبل الوقت موضوع=إلا التوجد يالله إنك تعيني
بعد غيابك كمل اليوم لأسبوع=أسبوع يا ثقله ولا تشعريني

المشاركة الأصلية كتبت بواسطة همسات شاعرية (المشاركة 171948) نص صباحي موجع نص ابلغ من تحليل مُؤلم وأصدق من إطراءات شاعر وهنا .. الكلام يطول ويطول باختصار هنا الشاعر / بن هليل صح لسانك شكراً لكـــ .

المشاركة الأصلية كتبت بواسطة أخت الولد (المشاركة 171949) صح منطوقك الشاعر الراقي الله يسعد أيامك

المشاركة الأصلية كتبت بواسطة نجم العرب (المشاركة 171952) صح لسانك مدد ماهو عدد ابداع متواصل تقبل التحية

المشاركة الأصلية كتبت بواسطة ابن القبيله (المشاركة 171955) صح لسانك قصيدة رائعة موفق