سرى البارح البارق بفكري وهل الوبل=على خافقٍ(ن)سحائب الشوق تمطر به
تشوقت للي بالغلا غالبٍ(ن)للكل=تمنيت لو إنه بقربي وأنا بقربه
أمسي عليه بورد وأصبحه بالفل=ما دامه ملك قلبي وفيه الهوى صبه
حبيبٍ(ن)ملك مشاعري بالهوى واحتل=لقلبٍ(ن)مخصص كل دقاته لحبه
عنودٍ(ن)مكمل بالحسن والأدب والدل=أحبه وأحب اللي حبيبي بعد حبه
تغنيت به لحن بقصائد وأبد ما أمل=من أطياف خلٍ(ن)باطن الروح تلعب به
ليا مرني يومين ما أرسل لي المُرسل=يضيق الصدر كني يتيمٍ(ن)شكى غلبه
تولعت به والحب فوق البشر منزل=وكلٍ(ن)على ما قيل بيحاسبه ربه
دخيلك حبيبي لا تخليني اتوسل=ترفق بقلبٍ(ن)فيه ذاتك ولا تكبه
تعبت أتصل وأدورك وأنت ما تسأل=جرحت الضمير ولا تجملت في طبه
أساهر نجوم الليل علك تجي ياخل=مضى ليل عقبه ليل والحال في كربه
أحس الفكر كنه على قولهم منشل=بعد ضاع في دنياك ما يستدل دربه
تحملت ضيق الصدر من شأن ما تزعل=ألا يا عذاب اللي جنون الهوى ذنبه
سرى البارح البارق بفكري وهل الوبل=على خافقٍ(ن)سحائب الشوق تمطر به

اختيار ذووووق

شاعرنا دوم مميز

ننتظر جديدك كل يوم بشوق