يابعيد الديار ويا قريب الموده=ليت موطنك يقرب مثل روحك لروحي
غائب عن عيوني والمشاعر توده=والهوى بارقه بالفكر نوضه يلوحي
قلبي اللي نهبته يا أريش العين رده=لا تزود على قلبي دخيلك جروحي
مد لي حبل وصلك يا أريش العين مده=لا تكون الحبيب اللي بوصله شحوحي
قلبي اللي سكنته بالهجر لا تهده=دام حبك عطوره بالحنايا تفوحي
احضن الشوق لا تاقف مع الريح ضده=قبل عمري وعمرك يا حبيبي يروحي
هات كفك وحطه تحت راسي مخده=وأخذ مني مطاليبك بجد ومزوحي
لا تقول الزمان صعيب ماني بقده=مد كفك لكفي فيه سري وبوحي
خلنا ناقف بوجه الزمان ونصده=ثم نعلن على وجه الليال الفروحي
لين نطفي لنار الشوق لا بعث جده=في قلوبٍ(ن)تعنت من دميٍ(ن)تفوحي
الهوى كم سنة حبله علينا يشده=والزمن لا تطاول بالبعايد ذبوحي
طال صبري وصبرك بالثواني نعده=والمشاعر ببيت الروح كلمى تنوحي
باب صدك وخوفك ياهوى الباب سده=اشرع لباب وصلك كان تبصر وتوحي
يابعيد الديار ويا قريب الموده=ليت موطنك يقرب مثل روحك لروحي

المشاركة الأصلية كتبت بواسطة المستشــار (المشاركة 170827) حلفت ما أحد يسبقني بالرد وإن بقيت رد قبلي لأحذفه من زمان ما صادفت قصيدة لك اكون اول من يرد عليها صح لساااااااااانك مليون ولا يكفون ابداع مشهود لله درك تقبل التحية

المشاركة الأصلية كتبت بواسطة عبدالرحمن عويض المسعودي (المشاركة 170830) صح السااااااااااااانك مليوووووون يابن هليل ويعطيك الف عاااااااافيه قصيد جميله جدا احترااااااااااااااااااامي

المشاركة الأصلية كتبت بواسطة البدوي (المشاركة 170833) استاذنا وشاعرنا وشيخنا صح لسانك دائما تتحفنا بقصائدك الله يعطيك العافية نهر متدفق بالعطاء والشاعرية والفكر الراقي

المشاركة الأصلية كتبت بواسطة مخلف الهقوات (المشاركة 170834) قصيده كايفه من شاعر كايف اعجبتني واشدت بها

المشاركة الأصلية كتبت بواسطة ورود الريم (المشاركة 170850) يـابـعـيـد.الــديــار.ويــــا.قــريــب.الــمــوده ليت.موطنك.يقـرب.مثـل.روحـك.لروحـي الله يرد الغائب و ينور بيتنا صج اشعارك هذه الايام على الجرح