يا رفيقي ترفق قبل عني تقول=ليش زعلان وأنا ما عرفت الزعل
الزعل ما يعرفونه كبار العقول=قيسها بالضمير وقيسها بالعقل
كيف بزعل وأنا اللي عارفٍ(ن)للحلول=كل مشكل وله عندي علاجٍ(ن)وحل
لو بغيت الزعل مقواه عرضٍ(ن)وطول=بيني وبينك الخاطر طريقه عدل
صح يخطر على بالي ظنون تجول=مير لا من سمعتك خاطري يسمهل
يا نديم المشاعر في جميع الفصول=والله إني ما بزعل منك مهما حصل
لو ما أشوفك إلا مرةٍ(ن)كل حول=تسعد القلب لحظه معك يابن الأصل
الزمن والمسافة بيننا ما تحول=دام نبض القلوب يدل درب الوصل
الشعر والمشاعر للمودة رسول=والمواصل يزيح عن القلوب الملل
ما علينا من الحاسد وعذل العذول=دام لون الهوى وردي وطعمه عسل
لا تفكر بشور الحاقدين الخبول=ما يحسب حساب الخبل غير الخبل
يا رفيقي ترفق قبل عني تقول=ليش زعلان وأنا ما عرفت الزعل