ياهاجسي الليل ياهاجسي غن=غن القصيد اللي لساني مسويه
بنات فكري لا تقرب من الرطن=جنب عن المشبوه وإحذر تماشيه
الشعر فيه سمان والليلة أسمن=في حفل من جاني كتابه وداعيه
الليلة الطاروق غالي مثمن=في حضرة اللي ما يغير مباديه
هنا وقفت لوقفتي مقصد وفن=واجب وتكريم لزميل(ن)مخاويه
مبروك للعبون ياهاجسي هن=الله على ما قدم بخير يجزيه
بنى عقول ومكن العلم وأمكن=زاح لظلام الجهل وأنهى مساويه
ومبروك ياحسن تقاعدك لكن!=بعلن على الجمهور سرٍ(ن)مخبيه
رفيق درب ودم والدم لن حن=الوقت ما يخلف لك الله مناحيه
بشوش تتبدي طيبتك ضحكة السن=والطيب بالرجال تعرف مواريه
حسن حسن بنشدك عن هاجسٍ دن=عن قول شاعر نسمع الناس ترويه
بعض الكلام يخلد الذكر يا هن=يفنى الجسد والأسم ما مات راعيه
ايقول جدك كان ماخانك الظن=قدام عشر عقود سقيت مرابيه
كلام عوده يوم في بدعه أتقن=الله يوسع بيته اللي نزل فيه
-:(كم لي وأنا ما أوحيت حس النجر دن=لا فأيسر المقطر ولا في يمانيه
ربعي ألاد ثبيت حماسة البن=اللي تقهوي ضيفها لين ترويه
أنا أشهد إن الضيف شقصنٍ من الجن=علمن يجينابه وعلمن يوديه):-
ايام كان الرجل يعطي بلا مَن=ما يبخل بشيءٍ(ن)تنوشه أياديه
ايقدم الترحاب ويقدم البن=والضيف لو شافه معدي يناديه
لا من نصاه العلم ينصاه ما ون=يضحك حجاجه لو ماهو بقاويه
واليوم صار الوضع ميسور وأحسن=وليا نصيت الرجل دار لعلابيه
قلت:القصيد وصاحب الفكر يفطن=ومن لا فهم ما قلت:خابت معانيه
ما قلت:شعري حدس وإلا تخمن=قلته وأنا عارف بمضمون حاويه
الرأس ما يرجع على قولهم بطن=والطيب ما يخسر من الناس شاريه
ياهاجسي الليل ياهاجسي غن=غن القصيد اللي لساني مسويه