أنا البارح ذكرت لوقت فات ولا قدرت ابات=شريط الفكر طول الليل داير مثل دورة فلم
سرى بي هاجسي وأخذت في ليل السهر سجات=تذكرت الزمان اللي مضى ما كنه إلا حلم
ألا يا قلب يا متعوس وش ذكرك باللي فات=تذكرت الجدار اللي رسمنا فيه قلب وسهم
على الجانب الأيسر بشارع حيَّنا بالذات=بلون أحمر وجرحٍ(ن)نازفٍ(ن)يشبه للون الدم
عليه أول حروف اسمى وحرف ملوعي بسكات=أبيه إن كان مر يشوفها يمكن يخف الهم
لكن مرت سنين وراحت الأعمار اهي ما جات=غرقنا بالزمن سواة من يغرق ببطن اليم
تناسينا لرسمتنا على سور القصر لوحات=شواهد للزمان اللي مضى يوم الصبا يحكم
بقت ذكراه منقوشه بقلبٍ(ن)ذاق للوعات=ولا به قلب من جور الليالي بالعمر يسلم
تجارب بالحياة تمر والدنيا لها صكات=وتبقى ذكريات العمر مهما السن يتقدم
ترى لولا تجاربنا وسج الروح ود وهات=على طول الزمن مهما كبرنا بعد نتعلم
محال لحال يبقى والزمن ما يترك الدورات=يجيب أشيا جديدة والقديم بدورته يهدم
إلهي يا إلهي لا تفرح فوقنا شمات=يا علاَّم الغيوب بكل حالٍ(ن)داري وتعلم
تتم سترك الضافي وترحم من سبقنا مات=وترحمنا قبل يوم الحساب وساعة المندم
أنا البارح ذكرت لوقت فات ولا قدرت ابات=شريط الفكر طول الليل داير مثل دورة فلم

إلهـي يـا إلهـي لا تفـرح فوقنـا شمـات
يا علاَّم الغيـوب بكـل حـالٍ(ن)داري وتعلـم
تتم سترك الضافي وترحم مـن سبقنـا مـات
وترحمنا قبل يوم الحسـاب وساعـة المنـدم



صح لسانك والله يحفظك من كل شر يا استاذ السعر