عيوني تخيل البارق اللي مسري شرق=لمع بارقه والعين ما شافت مزونه
وهاض الضمير وزارني من قصيدي طرق=وغنيت به والناس بعدي يغنونه
ذكرت الوليف اللي حرقني غرامه حرق=سنا البرق يشبه خد مضنوني بلونه
وأخذ من وميض البرق طيفه سواة البرق=وهيج مشاعر قلب ما تهجد جنونه
وحرك غرامٍ(ن)ماترك بالجسد من عرق=يحس بحياة إلا الهوى ضمن مضمونه
غرامٍ(ن)سرق حالي وفكري وكلي سرق=وخلي سرقه الوقت مني بقانونه
وناح القصيد بغصن وجدي مناحة ورق=على غصن من قو العطش فاقد ليونه
مواجيع شوقي تزرق الروح فيني زرق=وخلي من أوجاع الهوى ربي بعونه
أنا والغلا ما بيننا بالتوجد فرق=يزيد الشجن فيني ليا زادت شجونه
ألا يا وليفٍ(ن)ناد من عقب قلبه رق=وحال الزمن والحظ والبعد من دونه
فدتك الحياة وقلبي اللي بحبك غِرْق=طريح الهوى مافيه ناسٍ(ن)يواسونه
عيوني تخيل البارق اللي مسري شرق=لمع بارقه والعين ما شافت مزونه

ذكرت الوليف اللي حرقني غرامه حـرق
سنا البرق يشبه خـد مضنونـي بلونـه
وأخذ من وميض البرق طيفه سواة البرق
وهيج مشاعر قلب مـا تهجـد جنونـه



يا سلام عليك صح لسانك صور شعرية ولا أجمل

تقبل التحية