يالقلب كافي من الأيام ما صابك=كافي مواجيع مرت نشفت دمي
عرفت مقدارك وجربت لأصحابك=والفرق مابين قاصيهم وبن عمي
تجارب الوقت منها تعرف أحبابك=اليسر والعسر تكشف باطن اليمي
جربتها كلها وأتلفت لأعصابك=صكات الأيام لا ترحم ولا تسمي
أفراحنا مقفيه والهم في بابك=ما يسمح إلا بدخول الهم والغمي
تسج في دنيتك يا قلبي ركابك=كل ما تقافا لهمٍ(ن)جبت لي همي
ماكني إلا عدوك صرت حرابك=تجمع لضيقات صدري فيك وتلمي
وأخر هداياك ياقلبي لطلابك=ونتك من خنجرٍ(ن)بالصدر متحمي
من صاحبٍ(ن)بالزمن وداك ما جابك=في شهد مدات جوده دس لك سمي
يضحك لك بجيتك ويهتل بغيابك=لبس قناع الجفا والغدر والذمي
بدل لنص الوفا في صفحة كتابك=نسي لكيف العمر واهتم بالكمي
حتى خطاياه يحسبها من أسبابك=كل الغلط في حياته يحذفه يمي
يالقلب كافي من الأيام ما صابك=كافي مواجيع مرت نشفت دمي

المشاركة الأصلية كتبت بواسطة ملكة الليل (المشاركة 163855) رووووعة شاعرنا المبدع دائما صح نبضك

المشاركة الأصلية كتبت بواسطة الحر الأشقر (المشاركة 163863) صح لسانك مليون ولا يكفون والله يسلمك من كل هم وغم

المشاركة الأصلية كتبت بواسطة عبدالرحمن عويض المسعودي (المشاركة 163874) صح السااانك يابن هليل ويعطيك العافيه تحياااااااااااااااااااااااااتي

المشاركة الأصلية كتبت بواسطة عبير الشوق (المشاركة 163880) استاذي بن هليل : في كل مرة نقرأ لك نجد شيئ مختلف فضاءآت تمتلئ إعجاب و في كل مرة تأخذ معك قراء شِعرك لأجواء يخطها قلمك . دام هذا العطاء والتألق .. تقديري

المشاركة الأصلية كتبت بواسطة روح القصيد (المشاركة 163889) تسلم ايدك لن ازيد على ماقالوا اللي قبلي صح لسانك ربي يسعدك