القوافل العربية - نبع الغلا عندك وعندي مصبة

القوافل العربية (https://www.alqwafel.com/vb/index.php)

- قوافل الشعر الشعبي (النبطي) (https://www.alqwafel.com/vb/forumdisplay.php?f=15)

- - نبع الغلا عندك وعندي مصبة (https://www.alqwafel.com/vb/showthread.php?t=20023)

نبع الغلا عندك وعندي مصبة

ليه المسى عوق الشقاوي وطبه
وليه الهبوب تصحي القلب لابات

وليه القمر يدعى جريح المحبة
ويقول ياهية مافات ما مات

جرحك ظهر لو قلت للوجه خبه
وللحزن في ضحكك رسوم وعلامات

وليه المطر بالذات ريحة وصبة
كنة رسولن بين الاحباب بالذات

اشتاق فية لشوفتك واتنبهٌ
للي نسيته من مواقف ونظرات

لستانس الخافق ذكر من يحبة
ورجع يراجع في الوناسات مافات

يامرتع القلب الحزين ومربة
يزين بك مثل الذهب صدر الابيات

هيهات ينسى القلب شخصن يحبه
وهيهات يدله خاطري منك هيهات

نبع الغلا عندك وعندي مصبة
ومن الوله في خافقي لك ولايات

وطيفك حطب عيني وعيني مشبه
والشوق بردن مانقطع دون لحظات

ومكانك الصدر ولك القلب شبه
بين الضلوع اللي فردها التنهات

ولك بيرقن في القلب حبك يهبة
شامخ ولاهزة من العذل غارات

محبتك في الوقت ذا ما تشبة
الا بخيمة بدو بين العمارات

وان شفتني ضايق واهوجس واسبه
اخاف غدر الوقت وللوقت دورات

لاتحسبن دمعي نزل دون سبة
ابكي من الفرقا وهي مابعد جات

اليوم كل امورنا مستتبة
وبكرة ماندري وش معه من مسرات

ارب قلبك مثل قلبي اربة
ما يخلفة كثر العذل والمسافات
*****************
للأسف شاعرها مجهول لدي