في ملكنا ما يراود شعبنا ريبه و شكه=والله انه مالحقنا الشك فيه وفي خوانه
مشكلنا كلها من ياخذ المال ويدكه=ماسكن منصب مدير ولابسٍٍ ثوب الخيانه
حادثة جده لها بقلوبنا غصه ودكه=كيف لا واخواننا راحو ضحايا الإستهانه
كم طفلٍ من فراق امه وابوه الحزن ضكه=من يبي يجبر عزاه المحكمه ولآ الامانه
والخطيه والسبب شيك الرصيد اللي تشكه=بين ذاك وبين ذاك وعارفٍ شانك وشانه
ماعليك الا تفك الباب في الصبح وتصكه=وينتهي وقت الدوام وكل شين في مكانه
حسبنا الله فوق منهو حط للاحداث سكه=والضحية شعبنا ومقدراته ومتحانه
امتحانه بالخطايا والدروب المستشكه=فعلت ضعاف النفوس اهل الخيانه والبطانه
يصرف المليار للمشروع مايرفع بلكه=ضاع حق الشعب والمشروع والمليار وانه

المشاركة الأصلية كتبت بواسطة binhlailبن هليــل (المشاركة 159627) الشاعر صنداح الزلامي طاب لي أن أكون أول من يصافح باكورة طرحك الشاعري حفظ الله مملكتنا وحكامها وشعبها وصح لسانك يالذئب لك خالص تقديري

المشاركة الأصلية كتبت بواسطة عوض بن عبيان الثبيتي (المشاركة 159654) الزلامي صح لسانك قصيدة جميلة إلاانها اثارت شيئا من المواجع تقبل تـــــحياتــــــــي

المشاركة الأصلية كتبت بواسطة نجم العرب (المشاركة 159644) صح لسانك ما فات مات المهم اصلاح ما تبقى