ليا ضاق صدري قلت وينه علاجه=يانبض قلبي دوره لين تلقاه
هاته يعدل للمولع مزاجه=اللي طناه الشوق ومصارع الآه
يشكي وأنا بشكي هوى فيً لاجه=من يومها في عالمه والهوى تاه
هب الهوى بالفكر وأعمى عجاجه=عين تراقب طيف خلي وترعاه
نور الفؤاد اللي ينور سراجه=فكري وكلي والمشاعر تمناه
لو غاب يحصل بالضلوع إرتجاجه=يهتز منها داني الفكر لأقصاه
ينسى العمر منها جميل إبتهاجه=وينوح شعري من جروح المعاناه
أغدي بعد قوة صلابة زجاجه=أقل هزة تكسر العود ولحاه
يامشغلٍ(ن)للبال كافي عواجه=لاتزيد جرحي جرح ماعدت بقواه
ماعاد لي بسواك بالناس حاجه=أنت الذي تملك عنا القلب ودواه
بيديك ضيقة خاطري وإنفراجه=ياللي محال إني من الناس بأنساه
ليا ضاق صدري قلت وينه علاجه=يانبض قلبي دوره لين تلقاه

صح بدنك ولا هنتي


سعدت بنواجدك وردك العذب


تقديري

صح بدنك ولا هنت طارق



سعدت بحضورك وردك الطيب


لا عدمتك

المشاركة الأصلية كتبت بواسطة عبدالرحمن عويض المسعودي (المشاركة 159125) صح السانك يابن هليل ويعطيك الف عافيه قصيده قمه في الروعه ولكن لي ملاحظه بسيطه ارجوا ان يتسع صدرك لها كما عودتنا وهي ان اول شطر في القصيدة جميل ولكن ارى لو انه كان كما ياتي (لاضاق صدري قمت ادور علاجه ) وهو مجرد راي فقط لا اقل ولا اكثر تقديري واحترااااااااااااااااااامي