ابن مسعود لو معه جناح بذمتي ليطير=لكن الله بتدبيره خلق له أربعه أعضا
ثنين تحك جنبه والثنين الثانيه للسير=يسير بالبلد محدٍ(ن)يرده طوله وعرضا
ياسبحان الله الخلاق دبر خلقته تدبير=وأشوفه معترض على قدر ربه ولا يرضا
مايدري إن رب الخلق ما يُطلب منه تبرير=وما راده على المخلوق دايم فارضه فرضا
عجائب يا بشر بعض البشر ما يقبل التصوير=تطبع والطبيعة تختلف من بعض للبعضا
أشوفه يشتكي من حال وأحواله تسر الغير=معارض حكم ربه لو بكيفه ينقضه نقضا
اله عدة شهور وكن بن مسعود ريشة طير=يون ويشتكتي ويتابع الصيحات والجضا
يقول الوقت قاسي والقسا بالنفس والتفكير=وهذي حالة الدنيا بعود الصاحب الغضا
يابن مسعود لا تشكي زمانك والزمان منير=تقنع والقناعة طيبة والمملي امفضا
معك موتر وبعض الناس ما يملك طلي وبعير=حياته كلها على الحطب والراك والحمضا
أخذ قرضه من البنك الفرنسي والكبير يشير=ومش الحال كل الناس من قرضٍ(ن)ليا قرضا
ولن وقفت معك إدهن لسير المروحة وتسير=ورزقك عند ربك لين عمرك يافتى يقضا
ترى كثر الشكاوي ماوراها ياصحيبي خير=مشلا تتعبك وتجننك بالهز والنفضا
كتبت اللي كتبته وأنت فاهم تتقن التحرير=نهايتها علوم مزوح بالتوقيع والإمضا

المشاركة الأصلية كتبت بواسطة رباح دبيان البيضاني (المشاركة 158266) صح السانك يابن هليل .. ورزقــك فــوق ربــك لـيـن عـمـرك يافـتـى يـقـضـا والرزق على الله ماهو فوقه

المشاركة الأصلية كتبت بواسطة binhlailبن هليــل (المشاركة 158267) صح بدنك ولا هنت فوق وعلى بمعنى واحد ولا فرق بينهما لكن الأصوب منها كلها عند ربك وتم التعديل للأصح ورزقــك عند ربــك لـيـن عـمـرك يافـتـى يـقـضـا شكرا لك