الدين ياللي تقيس الدين بالمظهر=الدين ماهو بذقن وثوبٍ(ن)قصًير
الدين من خالف المشبوه والمنكر=ما خالف النص وإلا حرف وغيًر
والدين من عدً من دنياه للمحشر=وأعان مما عطاه الرب لفقيًر
والدين من غض طرفه حين ماينظر=وأبعد عن الذم بالمعيوب والخيًر
والدين من سبح الرحمن ثم كبر=وأمر بمعروف لا نفر ولا طيًر
الدين منهو لربه دائماً يشكر=ماجامل اللي كبير وينهر صغيًر
الدين ماهو بمدح لسيدٍ(ن)يذكر=ولا هو بتحقير عبد ونبذ لحقيًر
الدين حفظ الكتاب ونصه مفسر=وأخذ بنص الحديث وحشم كبيًر
والدين منهو كره للبغي والمسكر=وأبعد عن أكل الربا لو ريعه كثيًر
الدين ماهو خضوع لحاكم وعسكر=الدين لله وحده ماله خشيًر
الدين ما وافق المظهر مع المخبر=مافيه شكة ولا عله ولا حيًر
الدين ياللي تقيس الدين بالمظهر=الدين ماهو بذقن وثوبٍ(ن)قصًير

المشاركة الأصلية كتبت بواسطة مخاوي الذياب (المشاركة 158194) تشرفت اكون اول من يصافح هذه الجزلة صح لسانك والله يعين رجال الحسبة و ولاة الامر فيما يحب ويرضى

المشاركة الأصلية كتبت بواسطة الحر الأشقر (المشاركة 158197) صدقت والله لكن كثير من الناس تهمهم المظاهر لو جاهم جاهل ما يعرف يقرأ الفاتحة عدل وهو مربي دقنه قالوا هلا بالمطوع

المشاركة الأصلية كتبت بواسطة البدوي (المشاركة 158199) صح لسانك اي والله صدقت عاد هذا ذكرني بهذه النكته واحد حب يتطوع يراح قصر ثوبه لتحت الركبه لمن دخل على حرمته شافت الشكل متغير قالت ابو فلان وش قص ثوبك قال انا قصرته هذي السنة عشان اخش الجتة الرجال تغدى وراح شغله لمن جاء بالليل حصل الحرمة قاصه الفستان بنص الفخذ قال ام فلان وش قص فستانك قالت انا عشان اسبقك على الجنة ههههههههههه اعذروني خربت القصيدة

المشاركة الأصلية كتبت بواسطة رباح دبيان البيضاني (المشاركة 158200) صح السانك ...... مرجانه اسلمت هههههههههههههههههه

المشاركة الأصلية كتبت بواسطة دليل القوافــل (المشاركة 158201) صح لسانك واعتلا شانك ابدعت لا هنت

المشاركة الأصلية كتبت بواسطة سعد حميد الثبيتي (المشاركة 158205) لله درك فعلا قصيده تلامس واقع محسوس لك مني كل تقدير واحترام واعجاب

المشاركة الأصلية كتبت بواسطة أبو الطيب (المشاركة 158208) صح لسانك وفيت وكفيت موفق

المشاركة الأصلية كتبت بواسطة صاحب المعالي (المشاركة 158218) صح لسانك الدين يسر يسروا ولا تعسروا وقربوا ولا تنفروا