ياحروفٍ نابعة من خافقي=عانقي نبض المشاعر عانقي
وإهمسي للشوق همس الواثقي=جيت لك من قاصي الأشواق شوق
جيت لك وردة يسابقها الشذا=تنشدك سقيا وتطلبك الغذا
هكذا عشقي لنهرك هكذا=إروني يبست معاليق وعروق
هاجني حبك وعسفت القصيد=أكتبه من دم يجري بالوريد
ياغرام الروح يالحب التليد=ياعنيد الراي يالقلب الشفوق
ما ملكني بالهوى فارس سواك=ولا تمنيت الهوى إلا هواك
الجروح الغايرة تطلب دواك=الشموع تذوب يالصب الصدوق
كل يوم يمر ما أشوفك قريب=يابعيد الدار طولت المغيب
كيف بصبر وأتصبر ياحبيب=الجروح تزيد من نزف الحروق
آه من قلبٍ تولع بك وذاب=آه من نار المحبة والعذاب
آه منك أحرمتني زاد وشراب=كيف مدري كيف من حبك أفوق
أتمنى شوفتك صبح ومسا=وأحترق غيرة عليك من النسا
مركب أحلامي بمرساتك رسا=غارقة بالبحر ما حصلت طوق
أتالم من صدودك والجفا=من بعدك القلب ما حس بدفا
رمش عيني من غرامك ماغفا=كل ما صديت عوقٍ جد عوق
الليال تمر وأوجاعي تزيد=ما حصل لي بالهوى ماهو بريد
ما بقا لي بعدكم حلمٍ جديد=طال ليلي ما ظهر نور الشروق