نبيها بيننا جلسة صفا حلوه بدون عتاب=مع اني عاتباً بالحيل لكن العتب خله

أنا مشتاق لك بالحيل والله يلعن الكذاب=ترا ساعات معدوده نعيش ابها الهنا كله

كفايه عاد.أنا في غيبتك جالس على الأعصاب=غريب إديار ماني شايفاً لي درباً آدله

نهاراً غايبه شمسه بعد ليله قمرها غاب=بها طال إنتظار الخل في لهفه على خله

صراحه محسب إنك تعتمد غيبه بدون أسباب=تناسا اللي ملازم طيفك الغالي مثل ظله

ونا لولا غلاك اللي بقلبي ماحسبت حساب=يكم من واحداً حاول على قلبي ولا حله

أنا مدري رهين العين واللا صفة الأهداب=أم اني من رهاين فذةٍ حمرا ومبتله

أسرني منطقك مدري أسرني حسنك الجذاب=أكيد اني سطيت وعشت ساطي معرف الذله

لكن أكتب قصيدي خل دمك حبر وانت كتاب=كتاباً مابه إلا الصدق ماتكتب به الزله

متى نستقبلك بالطيب والتدليل والترحاب=متى آشوفك واكرر . ياهلا والله بها الطله