عادة الجاهل يجي منه الخطا=
وعادة العاقل يجي منه الصواب=
والمصيبة كان جاهل أشمطا=
هذي من الله على المبلي عقاب=
الصقر مايشبه لطير القطا=
والدعا بالبيض ما تبيض غراب=
الخفا بيبان لن رفع الغطا=
والعطش ما يقطعه طرد السراب=
من تربى في كرم حب العطا=
ومن تربي في بخل سف التراب=
والله إنه ماكسب شخص إمتطا=
ظهر شيطانه وخالف للكتاب=
مير بعض الناس بالوقت عبطا=
طول عمره من خرابٍ(ن)في خراب=
لو معه حيله بذا الجو شفطا=
لأجل خلق الله تموت من العذاب=

المشاركة الأصلية كتبت بواسطة ابن عميش (المشاركة 156009) يشرفني ان اكون اول من صافح هذه القصيده العصماء المليئه بالحكم والدرر الثمينه ...ماشاء الله تبارك الله ابداع وتألق وتميز لك تحيتي وتقديري