يا ثقل الليل ياثقله بدونك=علي أثقل من جيالٍ(ن)رواسي
يامن عيني تكحل من عيونك=ليا ارتاحت يغازلها النعاسي
يروق الفكر لا شاهدت لونك=ويرتاح الفؤاد من الماسي
سكوني يا غرامي من سكونك=ومنك وفيك يانبضي حماسي
غيابك ليلة بالعمر عونك=يسبب لي صداع يهد راسي
ليا حال الزمن والبعد دونك=يسهل حتم للهم افتراسي
يابحر الشوق لوعاتي زبونك=وحلم العمر ما حصل مراسي
ليا مني عجزت أصل وطونك=وأنا من غيبتك قلبي يقاسي
تحطم حلم راسم لي فنونك=بقلبٍ(ن)شاد لك قصرٍ(ن)رياسي
قطع عهده بعمره ما يخونك=أنا ما أرخص غلا غالين ناسي
جنوني والرزانة من جنونك=أكون بخير ويصير انتكاسي
يروق الجو لن عانق لحونك=يجي بالجو لا غبت احتباسي
ياحلو الليل معك وشين دونك=علي أثقل من جيالٍ(ن)رواسي

شاعريه فوق حدود الابداع

سلمت اناملك على ابداعك واتحافنا بروائعك