سويت منها شاعرة للمشاعر=علمتها للحب ثم ذبحتني
تطعن بقلبي والهوى سم شاعر=ياليتها من حبها ريحتني
الصمت والهجران مثل الخناجر=ياليتها قبل الجفا صارحتني
ما كان سقت الروح صوب المخاطر=ولا كان شلت أوهام ما ربحتني
ماعاد لي بعدك وليفِ(ن)يسامر=أشواك بعدك يالغضي جرحتني
الليل كله ما تنام المحاجر=أطارد أطيافك ولا بيحتني
أغزي مع الهوجاس والليل ساتر=عدة سنين وبعد ما بارحتني
هد السهر حيل العنيد المكابر=وأوجاع قلبي بالعرب فضحتني
أنهيت حبر المحبرة والدفاتر=أطرح همومي فوقهن وطرحتني
الفكر ينزف ما تلحق محابر=أسري مع أوهامٍ(ن)قبل صبحتني
إلى متى ياقلب بكون صابر=مافيه يومٍ(ن)دنيتي فرحتني
أثر الهوى دينه على القلب كافر=مواجعه يا أهل الهوى شرشحتني
صارت لحوني والقوافي منابر=ياليتهن قبل الهوى ناصحتني
سويت منها شاعرة للمشاعر=علمتها للحب ثم ذبحتني