يوم الوطن يوم الأحد يامواطن=ويوم المواطن ياوطن ماعرفناه
حبه سكن بالروح ظاهر وباطن=ننسى قلوب أجسادنا مانسيناه
حب الوطن واجب لراحل وقاطن=بأقوالنا وأفعالنا كم فديناه
خلك على ماقيل صاحي وفاطن=ترى المكايد كايده لا عدمناه
لا يشغلك من دون واجبك شاطن=هذا الوطن اللي بعزه ورثناه
دار الأمان اللي بها الخير عاطن=كلٍ(ن)من الخيرات تشبعه يمناه
خيره وصل للناس عِربي وراطن=الخير عن كل البشر ما منعناه
بره وبحره والمدن والمعاطن=لا نستحق العيش لو ماحميناه

كل عام والوطن وأهله مواطنين وحكام بالف خير
كل الشكر والتقدير لك مشرفتنا