ياشعاع الشمس ياللي سويعات الشروق=تشبه لعقد الذهب في ترايب فاتنه
حين شفته ينعكس بالزجاج اله بروق=هيج لذكرى بقلبي من أول ساكنه
افتكرت اللي هواها تمكن بالعروق=من بعدها لون الايام صارت داكنه
لا تبسم مبسمه مزن تزهاه البروق=يبهر الأنظار في كل عين معاينه
وإن حكى حكيه كما بلسمٍ(ن)فوق الحروق=مايحس القلب بطعون فرقا طاعنه
فيه حُسن وفيه رقة ملاكٍ(ن)فيه ذوق=سحر مضنوني غلب كل سحر لكاهنه
من سنين أذكره والحب يسكن بالخفوق=مستحيل القلب ينسى غرامٍ(ن)ماكنه
ومستحيل يحل غيره بقلبي لين أذوق=طعم موتي والمحبة بروحي باطنه
إيه أحبه وأعشقه شقي لبرقا وروق=والحبيب يزود عنهم بدون مداهنه
عاشقٍ(ن)للوافية والتقية والصدوق=ما عشقت من النساء في حياتي ماجنه
البشر ماهم سوا بينهم واجد فروق=بالسنين الماضية والسنين الراهنه
ياشعاع الشمس ياللي سويعات الشروق=تشبه لعقد الذهب في ترايب فاتنه

المشاركة الأصلية كتبت بواسطة عبير الشوق (المشاركة 150939) استاذي بن هليل : ها أنت تسطر لنا من شعاع الشمس حروفاً مشرقة عذبة من نبعك الجميل فسلم نبضك ودام عطاؤك لك الشكر والتقدير

المشاركة الأصلية كتبت بواسطة أسد العرب (المشاركة 150944) صح لسانك الى مالا نهاية رائعة من روائعك

صح بدنك ولا هنت


أدري انك بعد هالبيت تتمنى لو إنك برقاوي والا روقي

ههههههههههههه

سكر الشعر أعذبه بضاعته رايجة وسوقه ماشيء

لا عدمتك وشكرا لتواجدك