فـي لـيلـةٍ كـثرة هـمومـي عـليه = خطيت في بيض الورق بيديه
أدف هــمي ثــم يــرجــع عـليه = على حبيبٍ محرق القلب بالنار
أسأل نجــوم الليل عـن خل أنا أغـليه = يطلب عيوني يطلب القلب يفديه
أطلب مـن الله والـي العـرش يحـميه = الله ولي العــرش علام الأسرار
قالت نجــوم الليل خـلك عرفناه = جينا على شانه على شان نرعاه
النور فـبنا منعـكس مــن ثناياه = من نور خلك زادت أنوار الأقمار
سبحان من صوره ذاك الهنوفي = أبو شعور مغـطــيات الكـتوفـي
أليا مـشـى تهـتز حـلو الـردوفي = العين عين اللي ربى وسط الأوكار
طعم العسل منساب وسط الشفايف = اللي يطمن قلب مـن كـان خــايــف
هــذا وباقي مـن جـمــاله وصـايف = هــذا الذي شفنا وهـذا الـذي صار
قلت يا نجـوم الليل منتــي حكــيمه = أوصـافـك هـذي وصـوف قــديـمه
أوصاف خلي أوصاف والله عظيمه = من شافها يطيـح والـقــلـب يحـتار
أوصاف محبوبي وصوف جميله = الـمبـســم احـمر والعـيون كـحيله
يسلب قلوب أهل العقول السليمه = أوصاف خلي نادر في كل الأقطار
الصدر طلعاته كـما طـلـع رمـان = الخصر خصر اللي من الصيد نفران
الـجـســم يـتـمـايـل كــمـا عـود ريان = ريان مـتربي على حـوض الأنهار
قالت نــجوم اللـيل لا يحـسدونـك = حـنا تـركـنا الوصـوف لعـيونـــك
أطلب من المولاء لخلك يصونك = ويصون محبوبك من عـيون الأشرار
قلت أسمعيني وقولي اللي تقـولين = محبو بتي مسكانها داخل العـيـن
حــبـيتها مـن بين كـل المـلايـين = وفـي وسـط قــلبي لـه معـزه ومقدار
قالت كفايه لا تزيـد الـجــدالــي = محبوبتك ما مثلهـا في الجـمالـي
قلت أحمد المولاء على كل حالي = الـمـولاء الـلـي بـيـده كـل الأعـمار