رسالة شاعر
 

كثروا شواعير الشعـر يامريزيـق
كل يقـول الشعـر عنـدي فنونـه


لاصار مسرح للقصايـد وتصفيـق
للشاعـر اللـي خيـب الله ظنونـه


يقول انا شاعـر قبيلـة وعشيـق
عشيـق خـل مقفيـات ظعـونـه


وسوى دعايه في المجله وتعليـق
وفي كل مجلس شلتـه يمدوحونـه


الزندقه يطـرب لهـا كـل زنديـق
والوعل ابوقرنيـن طالـت قرونـه


هو ما درى ان الشعر فن وطواريق
ولا كل شاعر يمتثل فـي لحونـه


الشعر حبك وسبك ماهو خثاريـق
يامبتلـيـن الشـعـر لاتبتلـونـه


الشعر سره في حكيـم الصناديـق
نبض القلوب وشي مـا تدركونـه


وان ما حصل معنى يويق الشواهيق
معنـى تسيـس للمعالـي ركونـه


يصير باق الهرج هـذر وتلافيـق
سلعة ضعيف ولا مدحنـا زبونـه


الشعـر فكـاك القفـول المغاليـق
عند الرجال وعند منهـو ييصونـه


ياليت له قاضي ولجنـه وتحقيـق
حتى نخلص مـن غريمـه ديونـه


قد قالها قبلـي عشيـر المطاليـق
ياليـت راع المحدثـه تجلـدونـه


بالله يأهل الشعر واهـل المواثيـق
الشعر عزه فـوق نايـف متونـه


صونوه عن قول العياه المطافيـق
الشعـر تـال الوقـت لايبلشونـه



وسلامـــــــــــــــتكم

رد: رسالة شاعر
 

ياكثرهم يابو فيصل ولا يصح الا الصحيح

صح السانك مدد بلا عدد

رد: رسالة شاعر
 

يشرفني انني ثاني من يصافح هذه الدره الفريده لله درك ياابا فيصل لك تقديري

رد: رسالة شاعر
 

ابشرك ابن هليل نصره وسوى المجلس الشعري الله يوفقه

رد: رسالة شاعر
 

الله الله يا ثامر



صح لسانك


الله مقسم العقول والارزاق

رد: رسالة شاعر
 

صح منطوقك





وفيت لا هنت


لك خالص التقدير

رد: رسالة شاعر
 

صح لسانك










تقبل خالص التحية

رد: رسالة شاعر
 

صح لسانك ابدعت وامتعت وفقك الله



تقبل التحية والاعجاب

رد: رسالة شاعر
 

صح لسانك وبيض الله وجهك



ابدعت وامتعت


موفق

رد: رسالة شاعر
 

صح لسانك واعتلا شانك





تقبل التحية