أحرجتني يوم قالت: وش جديدك=قلت: ماعندي جديد وعاتبتني
قلت: حدتني ظروف وبُعد عيدك=والمواجع ياغرامي عذبتني
لي سنين طوال نظراتي تريدك=والليالي بعد غبتي عاقبتني
قالت:اصبر وارم جرحك في قصيدك=قلت:شعري والمشاعر أرهبتني
الهواجس كنها ساعي بريدك=كل ما حاولت بأنسى أنبتني
بكل فكرة طيفك يجدد لقيدك=للحلوم اللي بدونك غربتني
بكل نبضة للمشاعر تستعيدك=والجروح من النهاية قربتني
أقرب أمالي معلق في بعيدك=وأبعد أوجاعي بقلبي حاسبتني
ما يطفي نار بركاني جليدك=نار شوقي حرقتني وغلبتني
قالت: أدري بستفزك لأجل أزيدك=المحبة حاربتك وحاربتني
الغرام ليا تحرك في وريدك=يفوح عطره بالقصايد وأطربتني
قلت: وأدري بالهوى إني شهيدك=وإستدارت بالعيون وكذبتني
ذا جديدي ياغرامي وش جديدك=قالت: اقرأ للقصيد وعاتبتني