تمنيت أسمع لصوتك بداله ماشجاني صوت!!!=
ليا مني سمعته كل مافيني منه يرتاح!!!=
ينسيني هموم الوقت وأنسى من حلاه الموت!!!=
يحل الفرح في قلبي وهمي والوجع ينزاح!!!=
يغازل للمشاعر والعذوبة للمشاعر قوت!!!=
أعيش بعالمٍ(ن)لو هو خيالي بهجةٍ(ن)وأفراح!!!=
تحوطني شموع الحب تشعل في شبيه التوت!!!=
نسايم غرفتي ريحة عطوره في حشاها فاح!!!=
يانبض القلب ريح الورد طعم الشهد والبسكوت!!!=
تمنيت أسمعك والشوق للمشتاق سم ذحاح!!!=
غرامك بحر غارق فيه وظروف الزمان الحوت!!!=
لهم كل الحلوم وبدل البسمة بكاء ونواح!!!=
لقيت الحظ عاثر كل ما جيئت أجمعه مفتوت!!!=
ياشين الحظ لا منه تراقل بالمكان وطاح!!!=
ليا مني تذكرت غديت أضعف من الكتكوت!!!=
بعشه والسماء فوقه وريشه ما كمل بجناح!!!=
يصيح من العطش والجوع وصراخه شبيه سكوت!!!=
مشابهني بوجعاته مخالفني بهمه باح!!!=
ياليت الحال حاله كان حالي ما غدى منحوت!!!=
تناهشني ذياب الشوق بالمسرى وفالمسراح!!!=
سنين طوال أعاني من غرامٍ(ن)بالحشا مكبوت!!!=
ليا منه تهيج صوتك يخفف نزيف جراح!!!=
لكن الله حرمني ما سمعتك من يرد الفوت!!!=
متى مدري متى تسمح ظروفك وأسمعك وأرتاح!!!=
تمنيت أسمع لصوتك بداله ماشجاني صوت!!!=
ليا مني سمعته كل مافيني منه يرتاح!!!=