تكفين قبل اليوم ماقلت تكفين=ماقلتها لين الصبر وصل حده
لي مدةٍ(ن)والنوم ماطب بالعين=طول السهر للحال والحيل هده
لو كان ماأنتي بالخراعيب تسوين=ما كان قلبي نبض الأشواق مده
أنتي بحالي والخفايا تعرفين=قلب الشقا شال الهوى لين ضده
مطلوبي أنتي عنه بالعون تدرين=مافيه داعي بكل الأحوال أعده
يكفيني إنك كل ليله تمسين=وأنا علي وجوب ممساك أرده
ترتاح روحي يوم أشوفك تمرين=والقلب يسكن لا حضر من يوده
ياريحة الريحان يافل ياسمين=ياحلم عمري بين راس ومخده
أجمل ليال العمر ياكامل الزين=لا شفت زولك كل همٍ(ن)يرده
وأخبث ليال العمر ليلة تغيبين=أسامر أوهام العنا مستبده
يصبح علي الصبح من بين في بين=كن المواجع عرق قلبي تجده
يحن لك قلبي ياليتك تحنين=على فؤادٍ(ن)بيح الشوق سده
ليتك على الملتاع قلبه تردين=وإلا تروف بحالته لا تصده
بين الرجا واليأس والعسر واللين=أصيح بك والحال مافيه شده
تكفين قبل اليوم ماقلت تكفين=ماقلتها لين الصبر وصل حده

المشاركة الأصلية كتبت بواسطة عبير الشوق (المشاركة 145061) مطلوبي أنتي عنه بالعون تدريـن مافيه داعي بكـل الأحـوال أعـده يكفيني إنـك كـل ليلـه تمسيـن وأنا علـي وجـوب ممسـاك أرده ترتاح روحي يوم أشوفك تمريـن والقلب يسكن لا حضر من يـوده للهمس هنا احساس آخر .. وللحرف وقع مختلف أبدعت أستاذي بهذا النزف الصادق صح نبضك والقلم وصباحكم جوري

هلا بك مشرفتنا المميزة

دائما سباقة بالإطراء بما لا أستحقه

أشكر لك حضورك العطر

أسعد الله كل أوقاتك

صحيتي وصح نبضك

لا عدمتك

لك خالص تحيتي

عساك سالم وغانم لا عدمتك

وصح بدنك و وجهك أبيض

لك خالص تحيت